الحكاية ماي تصفية حسابات
إحنا لما قامت الثورة هلبه اللي حسدونا عليها في خارج ليبيا وفي
الداخل عندنا كثيرين من اللي مسح لهم القذافي إدماغاتهم وخلاهـم
ما يعرفوا غيره قائد وما يشوفوا الا تحت كرعيهم وكل واحد منهم
يقيم راسه أشويه بيشبح قدامه شنو فيه على طول ينطب
واليوم بعدما نجحت ثورتنا يا خوتي أنوصيكم أراهي الحكايه ماي
تصفية حسابات واحنا كلنا ليبيين واللي غلط لازم انسامحوه خاصة
اللي ما خنب فلوسنا واللي ما قتل أولادنا سوى في أيام حكم معمر
وأولاده وجماعته .
أحنا لازم أنكونوا يد وحده وننسوا الأحقاد اللي زرعها فينا القذافي
وسلط علينا أولاده وحاشيته باش كانوا السوط والبندقه في إيديــــه
وقعد يضرب فينا واحد بواحد حتى لين صار البو ما يقدر على ولده
والمرا تخاف من بنتها وخلاها لبلاد كل واحد خايف من لاخر
خوتي ردوا بالكم وكونوا صف واحد أباش نبني أبلادنا .
والا أنا غلطانه
ونشكركم
اليومية
