أسرار الدنيــــا
وعقـاب الآخرة
ــــــــــــــــــــ
الدنـيا يـاما فــيهــا أسـرار..........ويـا مـا فيهــا شي عجـــيـب
والدنـيا يـا بــنتــي أقـــدار..........وضعها اللي ما عليه صعيب
وفـ يهاحتى الناس أطــوار..........الـمـولى إمـرتبهـا تـرتــيـب
فيهــم من واجـــب يشكار..........إبـفـعـله واكــلامـا الرطـيب
وما إيديرش سيـّه ولاعار..........وما عمــراشي دار العـيــب
عـزيز نفس ما هو تـرتار..........وكـان نطـق الحـق إيصـيـب
الكذب عـدوّه وقـلبه حـار..........وفي الشــده تـلقاه عـطـيــب
ووقت الرخوه عـز الجار..........بشــوش لـْـكل الناس حبيــب
وفـيه اللي إتـشوفه تحـتار..........ومـا تعــرف له حال رتيــب
إينوض إيقـوبع من لفجار..........ويبي المـال بـلا إتسابـيـــــب
ويبي روحه إمقعمزبالدار..........وأعـليه الخير إيصب صـيب
ومـا إيهـمـه يخدم سمسار..........والا دفـّـاف مــراكـيـــــــب
وفي سبـيل إيحصل دينار..........إيبـيع الوطـن وكـل حبـيـــب
بـنتي الدنيا فيها أشـــرار..........عـمـلهم منـّه الـراس إيشيـب
واللي مجرم واللي سـكــّار..........وناس مقالـب شيْ عجيـب
أحـسـن منـهم حتى الكــفار..........اللي وعـدهـم ربي إبتـعذيب
ويمـكن ربي إلـهم يغـفــار..........وموش الـْكلْ لكل لبـيـــب
إمـقــدّم للعالــم تــذكــــار..........خدم لِنـْسان في كل شطيب
وأعـلـوم وضعها ما تنهــار..........وديـمه إمـقـدْمه بترتيـــب
وأخـلاقــه إتشوفهـا تحتــار..........مــا يغـلطشي إيدير العيــب
ومسلمين كـثـيريـن أكثـــار..........عليهـم فازوا في التخـريب
الفعـل العفن إيديروا إجهار..........وللنـار إيـحطـبـوا تحطـيب
وربي قال أنــا الغــفـّـــار..........ل اللـّي إيقـول اللـه الرقيب
واحـد ما عنـداش إصغـار..........لا رفيقة ولا شريك عصيب
إيـقول نصيبي نبيه إجهــار..........والا أنــولـع فـيها لـهـيــــب
والنـاس عبـيده وهو الستار..........وأمــره ما فيــه تكـبكيـــب
كاف ونون، واللي ما صار..........بْ(كن)إيكون إحداك قريب
وسبحانـه عالي إفْ لقـــدار..........وهــو العـارف عـلـم الغيب
خــلق جـنــه وامعاها نـــار..........وعــد سابـق لـكـل دبـيــب
وانت وفعـلك يا سي عمّار..........وامخـيّر ماهو بالتـغــصيب
ولا ما إتـقولش هاذي أقدار..........ومـكتـوبه لـيـّـا إبـتـرتيـب
واللـه ما يظلـم يــا كـفـّــار..........وعـى أكتافـك حط محاسيب
بالـك غـلطك ها اللّي إنـدار..........بالصـدقه إدوبـه تـدويــــب
وانـت إمـسيـّر في كل قرار..........إيـخص اللـه ودينه يا حبيب
وأما الباقي حر وبلا إهجار..........بـرطع ليـن الراس إيشيـــب
ولـمْـلاقاه بعــدْ تـقـْـبــَــــار..........وتـرجـع في يــوم التـعـذيب
وكل واحــد شنهو اللّي دار..........أبروحه نـفسه عليها حسيب
ويبقـى اللـّـي عـنـده قـنطـار..........ذهـب في الدنيا ومال عجيب
وما طــلـّع حــــق الـفــقــّار..........يـرعــش صاي له ترهـيـب
وفيه اللـّـي يقـعـــد محــتار..........إيخـمـم شـن بـيـصـير قـريب
وزعـمــه جـنـّـه والا نــار..........ويــن إمــداير ربي نصـيب
وفي الآخــر كـل واحـد كار..........جـنة عـدن وحـور وطـيب
والا إبـلـغـلال وسط نــار..........يــرمــوه أمـلاك عصالـيب
وإبـجاهـك يا عالي لـقــدار..........تغــفــر لي ولـكـل حبـــيب
وأبجاه رسول اللـه المخـتار..........اللـّي ختمها رسالات الغــيب
ما أنكونوا من أصحاب النار..........وفيـها الجنـّـه لينــا نصـيــب
ـــــــــــــــــــــــــــ
منقول .. أشعار منيرتاج الدين السيلاوي
ــــــــــــــــــــــــــــ
اليومية
