وأنتصرت الثورة والثوّار
ــــــــــــــــــــــــــــــــ
الثورة أنتصرت يا أحـباب اليــــوم..........في عشرين عشره إحـداش
تحـرر شعـب كاين قبــل مظلــــوم..........الطاغيه مشى ما أهـنـــاش
وشعب ليبيا فـرحان في لعـمــــوم..........وما يهمــنا القـشــــــواش
واللي في الحبس كاين قبل مضيوم..........شاف عيلته ولـفـــــــراش
وفيـه ناس قالت ها العام مـشــــوم..........هـلبـه مشـوا طــقـــــاش
تريس واجدة ونسون عـدد معـلـوم..........وأصغـار كـثَّروا لغـشـــاش
ميـّـات في العـادة إيطـيحــوا دوم..........وهاذاي كـلــه أعـــــلاش
على خاطر معمـر رخيص الســوم..........اللي يــريدها تـطــــراش
أودانـا وما نــعــــرفوا العـلـــــوم..........واللي يتـفـرعـن طــاش
كلب ضـال بالباطـل صبح متهـوم..........وهرب في الغـربه عــاش
والليبي من حريتــه بدى محــروم..........وأعيونـه عـليـهم شـــاش
والحـر في مثـله جـمـل مخــزوم..........لو عاند مـشى طـقـّــاش
ولو ما تـبي معــمر عليك اللــوم..........وتصـبح طريـح أفـراش
وغير شنو بنْخـبّر الشـيْ معلـــــوم..........وإشــعــلْ ثــورة العيّـاش
في ليبيا وفي تونس وفي الفـيـــوم..........وبـينَّـــا الفرق ما إهناش
ثــرنا ونصرنا نـاصـر المظلــوم..........في عشره من عام أحداش
عـام نـصر وأمبارك عليها القــوم..........حتى إن كان موش بلاش
واللهْ يرحـمْ الثاير وشـيء مقســوم..........مـنـَّه اللــه من قــــداش
ويا رب سخرها والسعــد يقـــــوم..........ولا إنشوفوا فقـرلاغشاش
والله أكــــبر والحــمدْ لـكْ دوم..........من كــل منـهـو عــاش
منقــــول عن منتدى .....
اليومية
